الشريف نت
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

الشريف نتدخول
الان يمكنك متابعة حالة السوق واضافة منتجك او خدمات شركتك من خلال السوق المصري

احترف صيانة الاجهزه الصيني (الموبايل)

power_settings_newقم بتسجيل الدخول للرد

20082013
احترف صيانة الاجهزه الصيني (الموبايل)

اخواني في الله
اول مواضيعي في المنتدي
ارجو من الله ان تنال رضاكم 
وان يستفيد منها كل مبتدا في مجالنا
ونبدا علي بركة الله
مقدمه
احبابي في الله الاجهزه الصيني تنتشر انتشار واسع في الدول العربيه وخصوصا مصر
وتنتشر انواع لشركات المنتجه للجهاز الصيني
نجد منها 
G.TIDE
G.FIVE
SIRKO
YXTEL
ZTC

ونجد ان اكثر شركه منتشره ولهل ضمان
هي 
G.TIDE
نبذه بسيطه عن اجيال 
G.TIDE
تكنولوجيا الجيل الاولG1
هذه التكنولوجيا هي المعايير القياسية للتليفونات المحمولة الأنالوج والتي بدأ استخدامها في سنوات الثمانينات 1980 واستمرت حتى تم استبدالها بالتليفونات المحمولة الرقمية بتكنولوجيا G2 والفرق الرئيسي بين النظامين المتتاليين للتليفونات المحمولة G1 و G2 هو أن الإشارات اللاسلكية التي تستخدمها شبكات G1 إشارات أنالوج قياسية أما شبكات G2 فهي تستخدم إشارات ديجيتال رقمية. 

تكنولوجيا الجيل الثانيG2
تم إطلاق الجيل الثاني من شبكات الاتصالات التليفونية المحمولة G2 تجارية في أوائل سنوات التسعينات 1990. وهناك ثلاثة مزايا أساسية للشبكات G2 تتفوق بها على سابقاتها حيث أن المكالمات التليفونية يتم بذلك تشفيرها رقمياً ، أما في الأنظمة القياسية أنالوج ، فلقد كان من الممكن ومن المتاح للغير أن يتصنتوا ويتجسسوا على المكالمات ، وهكذا فإن الأنظمة G2 أكثر كفاءة من الناحية الجوهرية في النطاق الخاص بها بما يسمح بمستويات من التغلغل والانتشار للتليفونات المحمولة على نطاق واسع جداً ولقد قامت تكنولوجيا G2 أيضاً بإدخال خدمات البيانات للموبايل والتي بدأت بالرسائل النصية القصيرة SMS.
ومن منتجات الشركة من G-TiDE ، ما يدعم خاصية الجيل الثانى G2 ، ومنها :
G12 – G19 – G28 – Q920 – G25 – G1 – G3 – G7 – G33 – G21 – G35 – G38 – G28i – G6 – G88 – G91 – G7i – Q970 – G39 – M99 – G222 – G333 – G666 – G152i

تكنولوجيا الجيل الثالثG3
إن تكنولوجيا G3 هي الجيل الثالث للمواصفات القياسية والتكنولوجيا للتليفون المحمول والتي حلت محل التكنولوجيا G2 وفي نفس الوقت فإنها سابقة على التكنولوجيا الأحدث G4 . إن تكنولوجيا G3 تمتعك بنطاق أوسع من الخدمات الأكثر تقدماً وسرعات أعلى للبيانات مع تحقيق قدرات أكبر للشبكات من خلال تطوير كفاءة نطاق الاتصالات. وتشمل عائلة التكنولوجيا G3 كل من التكنولوجيا HSDPA والتكنولوجيا HSUPA (ويشار إليهما أيضاً تجارياً باسم G3.5 و G3.75). 
ومن منتجات الشركة من G-TiDE ، ما يدعم الجيل الثالث G3 ، ومنها :
G95

ديه كل اصدارات واجيال G-TiDE
وكلامنا هيكون عام علي جميع الاجهزه الصيني

الادوات اللازمه في ورشة الصيانه الخاصه بالفني
هناك خمسة
اجهزه يجب توافرها لدي اي فني صيانه
1
- جهاز باور سبلاي 
وده مهم جدا ممكن القول ان هذا الجهاز يقدر يكتشف 0.75 % من الاعطال في دقائق
ولها استخدمات عديده ولا يمكن الاستغناء عنه
2- 
جهاز الافو ميتر 
وهو مهم ايضا ومساعد للباور سبلاي
وهو يساعد في معرفة سلامة المسارات
وقياس القطع الصغيره ولها استخدمات اخري
3-
3- 
جهاز الهوت اير 
وده يعني من غيره لا استطيع العمل 
لان بعد تشخيص العطل ان كان هارد بتيجي مرحلة استخدام هذا الجهاز
بيستخدم في فك ورفع وتركيب الايسهات
4- 
مكواه سن رفيع من نوعيه جيده
للمساعد في انجاز الاعمال في اقل وقت 
وهناك ادوات للمساعده ويجب توافرها ايضا
1- مجموعه من المفكات الجيده
2- ماسك بورده 
3-سلك شيلد
4-سلك معزول
5- اسبير اكاي + ثنر
6- جفت عدول ومعوج
7-ورق سلفان
انتظرو الجزء الثاني
((ما هو الجهاز الصيني؟ )) 
واسف علي قصر الموضوع لضيق الوقت

تعاليق

الباشمهندس حسن
الجزء الثاني
((
 ما هو الجهاز الصيني؟))
جهاز الصيني مثل اي جهاز محمول
ولكن بيختلف في بعض مسميات الايسيهات
فمثلا تجد ايسي الباور في النوكيا يسمي 
UEM
وفي الاجهزه الصيني 
ARM
وهكذا

ونجد ان بوردة الجهاز الصيني رديئة الصنع
ولذالك نجد الكثير من الاعطال تنتج من هذه المشكله
مثل....
جهاز 
K300واجياله
نجد ان
 الكاميرا لا تعمل والتي في لا يعمل
ومع ثني البورده تعمل
وليس لها حل
تعالوا نعرف اكتر عن الجهاز الصيني...........

((
مكونات الجهاز الصيني))
يتكون الجهاز من ثلاث مكونات...:-
1الهوسنج
(غطاء خلفي_شاسيه _ وجه امامي)
2البطاريه
( مصدر الطاقه لتشغيل الجهاز)
3- البورده
(التي تحمل جميع الدوائر الاكترونيه)

اولا : الهاوسنج
يعتبر بيت البورده واحيانا يسبب فصل الجهاز باور
واحيانا يسبب شورت في الجهاز
طيب ازي تسبب شورت؟
الهاوسنج بيكون مقوس وعند وضع البورده فيه بيقوس البورده فيسبب شورت في
الجهاز
ثانيا :
البطاريه
المصدر الرئيسي والاساسي لتشغيل الجهاز
وتسبب مشاكل كثيره جدا في الجهاز
مشاكل في الباور
مشاكل في الشحن
ومشاكل في الشبكه
ثالثا : البــــــــــــــــــــــــــــــــــــــــــورده
طبعا ديه تعتبر الجهاز نفسه
وهي عباره عن طبقات من الفيبر المقوي
تحتوي علي مسارات بين الطبقات
تسمي
 المسارات الغير نشطه
وهناك مسارات علي سطح البوره
تسمي
 تركات نشطه
مثل
V.BAT
GND
PWKEY

ولو نظرنا للبورده
هنجد الكثير من القطع الصغيره
مثل
المقومات والملفات والمكثفات والترانزوسترات وغيرها
وكمان هنجد قطع كبيره
تسمي ايسيهات
او دوائر
مثل دائرة الباور والبروسيسور
((
مكونات البورده من ناحية الدوائر))
تتكون من دوائر رئيسيه واساسيه
1- دائرة الباور
2-دائرة الشبكه
3- دائرة الشحن
4-دائرة البرمجه والسوفت
وهناك بعض الدوائر التكميليه
مثل
1-دائرة البلوتوث
2- دائرة الميموري
3- دائرة الكاميرا
وكده اتعرفنا علي دوائر الجهاز
قبل ما ندخل في الجزء الثالث 
((
 دائرة الباور واعطالها ))
لازم نتعرف علي بعض الاساسيات
ما هو المكثف ؟
هو عباره عن بطاريه لحظيه ويتكون من قطبين سالب وموجب وبينهم ماده عازله
وظيفة المكثف
يقوم بالشحن والتفريغ 
بمعني
انه يقوم باختزال جزء من التيار المار به ثم يفرغه في الارضي
ما هي المقاومه؟
هي عباره عن قطعه تقوم بممانعة التيار المار بها
كلما زادت قيمة المقاومه يقل شدة التيار المار بها
ومعاوقته
المقاومه الفيوزيه
هي مقاومه توجد غالبا في دائرة الشحن
تقوم بمقاومة التيار ومروره بقيمه معلومه
وتتلف المقاومه اذا مر بها تيار اعلي من قيمتها لحماية الدوائر التي تليها
انواع المقاومات؟
1-
 ثابته
قيمتها ثابته مهما تغير قيمة التيار المار بها
2-
 متغيره 
قيمتها تتغير مع تغير شدة التيار المار بها
طريقة فحصها والتعويض عنها
بالفو وعلي وضع البذر
النتيجه
1- شورت مقاومه تالفه
2-ما لانهايه مقامه تالفه
3-قيمه مقاومه سليمه
ما هو الملف؟
هو عباره عن قالب حديد ملفوف عليه سلك بسمك معين وعدد لفات معينه
وظيفته
تنعيم التيار المار به

كيفية قياسه 

ليس له قطبيه ويتم فحصه بالافو ويفضل وهو خارج الدائره وكي يكون سليما لابد ان يعطي قراءه صغيره جدا او صوت وذلك بإستخام الافو بعد ضبطه على
 buzzer .

سؤال ؟
جميع القطع تشابه بعضها ازي اتعرف علي الملف والمقاومه والمكثف؟

المكثف له طرفين احدهما موجب والاخر سالب
بالافو هتجد احد اطراف المكثف يعطي شورت مع ارضي الجهاز
الملف عباره عن طرفين بالافو هتجد ه يعطي قراءه صغيره او بذر
المقاومه بالافو يعطي قيمه
انتظرو الجزء الثالث
(( 
دائرة الباور واعطالها))
بمشيئة الرحمن
الباشمهندس حسن
 
اسعد الله اوقاتكم اسرة الشريف نت

اقدم لكم اليوم 
الجزء الثالث 
(( دائرة الباور ))
وسوف اتكلم عن الاتي:-
1 - مكونات دائرة الباور
2-كيفية استلام الجهاز من العميل وتشخصيه في دقائق
3خطوات العمل والصيانه بطريقه علميهغير عشوائيه)
4- بعض الاعطال المتدواله
متمنيا من الله ان اكون وفقت في هذا الموضوع وان يستفيد منه
كل مهندس مبتدأ
واتوكل علي الله
1مكونات دائرة الباور
تتكون دائرة الباور من
1- البطاريه
وهي مصدر الطاقه الاساسي للجهاز فهي التي تمد الجهاز بــ 3.7 فولت
لقوم الجهاز بوظائفه المتعدده والمختلفه
وهي تسبب مشاكل كثيره 
* مشاكل شحن مثل احذر الوصله غير جيده
الشحن الوهمي 
*مشاكل باور مثل فصل الجهاز اثناء الاتصال
2كونكتور البطاريه ( ريش البطاريه)
وهو الوسيط بين البطاريه والبورده
وهو يتكون من ثلاث اطراف
3مكثفات وملفات 
وهي تعمل علي تنعيم ومقاومة التيار لحماية الدوائر من التيار الزائد
والمكثفات لها مشاكل كثيره
مثل الشورت عند تلفها
او استهلاك عالي للبطاريه عند انتفاخها
4- مفتاح الباور 
وغالبا بيكون علي فلاته


5ايسي الباور (
Mt6318a)
وهو المسؤل عن توزيع الجهود المختلفه لجميع الدوائر لكي تقوم بوظائفها
وتجده مسؤل ايضا عن
* اضاءة الشاشه 
* الشحن
احيانا مسؤل عن البطاقات
6البروسيسور(
 
 
MTK ARM)
وهو المغذي الرئيسي فهو المسؤال عن جميع الدوائر في الجهاز
جميع العطال تنتهي في النهايه في هذا الايسي
واعطاله كثيره لانه مسؤل عن
1- معالجه البيانات 
2- الكيباد
3- المايك في بعض الاجهزه
4- الأجراس في بعض الاجهزه
5- ميموري كارد 
6- الكاميرا



7 - ايسي الفلاش
لانه يحمل سوفت الجهاز اي خلل فيه يفصل الجهاز باور
 
واحب انوه بان انواع الاجهزه 
نوعين من ناحية الصاينه
MTK-1
- وهي الأشهر انتشار
T33,N95Y,N82Y,MATRIX,K900,K300,K600
SPREAD -2
N73 TINMO ,N82 BIG,N70 TINMO-
 
2-كيفية استلام الجهاز من العميل وتشخصيه في دقائق

عشان تستلم الجهاز صح من العميل يجب ان تكون عندك الدرايه الكامله 
وبعض الفنيات

1- 
يجب سؤال العميل عن سبب فصل الجهز باور يعني اصتدم علي الارض وقع في الماء فصل وهو علي الشاحن
لان كل حاله ولها قواعد التعامل معها وسف نشرح ذالك بالتفصيل
2-
 وضع الجهاز علي الباور سبلاااي ( معادا الجهاز الذي وقع في الماء)
وهنا ما يخطر في ذهن الفني عدة نتائج
*
 الجهاز يسحب امبير عالي دون الضغط علي مفتاح الباور 
هذه النتيجه نتوصل من خلالها ان هناك قطعه من القطع التي تتغذي بفولت البطاريه تسحب فولت عالي
وهذا بسبب تلفها او انها مرطبه او فيها جنزره وسف نشرح كيفية العلاج
** الجهاز فيه شورت او قفله 
وهذه النتيجه نتوصل من خلالها ان هناك شورت في قطعه تتغذي من فولت البطاريه وسوف نشرح كيفية المعالجه
***الجهاز لا يشعر اطلاقا بالباور سبلاي ( ولا البطاريه بالاستنتاج)
ونتاكد من هذا بان نعكس اتجاه كبلات الباور سبلاي الموجب مع السالب والعكس المفروض يدي بذر
لكن لا يستجيب 
وهذا معناه ايه؟
هذا يعني ان الفولت الرئيسي المغذي
 v.batt مقطوع او الارضي GND
وسوف نشرح كيفية المعالجه
**** عند الضغط علي مفتاح الباور يتحرك المؤشر قليلا ثم ينزل 
هذه المشكله يا اما سوفت او هارد

نبتدي بالسوفت اولا ثم الهارد وسف نشرح كيفية المعالجه بالتفصيل
***** عند الضغط علي مفتاح الباور لا يستجيب المؤشر نهائي 
تنحصر المشكله في 
1- مفتاح الباور 
2- سوفت
3- هارد
وسوف نشرح كيفية المعالجه بالتفصيل
***** المؤشر يسحب وينزل ومش مستقر او يسحب عالي وينزل 
ايضا مشكلة سوفت ثم هارد

وسوف نشرح كيفية المعالجه بالتفصيل
وبعد ما شخصنا العطل وعرفنا سبب العطل
3
- نستلم الجهاز بدون البطاريه والميموري والخط وقلم التاتش ان وجد
4- 
اعطاء ميعاد للعميل والالتزام بالميعاد بقدر المستطاع
 
عرفنا مكونات الدائره
وعرفنا ازاي نستلم الجهاز من العميل وازاي نشخص العطل في دقائق
طيب عايزين نعرف ازاي هنبتدي عملية الصيانه وهنبتدي منين؟
وبطريقه مهندسين مش اي حاجه توصلنا للحل
قبل ما نتكلم لازم نعرف
ان عطل الباور سببه ثلاث حاجات:-
1- هارد
او
2- سوفت
او
3-هارد وسوفت
تعالوا نشوف خطوات العمل
- خطوات العمل والصيانه بطريقه علميه( غير عشوائيه)
عرفنا نتائج وضع الموبايل الفاصل باور علي الباور سبلاي
نيجي ونطبق عملي
* الجهاز يسحب امبير عالي دون الضغط علي مفتاح الباور
وقولنا قبل كده معني ده

ان هذا معناه ان هناك قطعه من القطع التي تتغذي من فولت البطاريه
بتسحب او تستهلك امبير زائد
ملحوووووظه
هناك قطع تتغذي مباشرة من فولت البطاريه
وهناك قطع بتتغذي من ايسي الباور
وهناك قطع بتتغذي من ايسي البروسيسور

طيب ارجع تاني لموضوعنا
ايه سبب السحب العالي ده؟
سببه بيكون
1- وجود اتساخ وخضار وملوحه في البورده
2- تحت القطعه رطوبه او القطعه نفسها مرطبه
3-تلف جزئي في القطعه
طيب القطع ديه زي ايه
مكثفات - ملفات pf الشبكه -دريفر الصوت
خطوات العمل والصيانه
1- فتح الجهاز وغسل البورده جيدا ويفضل رفع الشاشه والكاميرا
ووضع البورده في مغسله مره واتنين وتغير الثنر بعد كل مره
2- بعد وضع الجهاز علي الباور سبلاي ونفس النتيجه
هنفحص البورده جيدا لو وجدنا مكثف منتفخ نرفعه
3- بعد فشل الخطوه الثانيه نضع البورده علي الباور سبلاي
ونتركها فتره ونتحسس البورده من فتره لاخري
هل هناك سخونه ؟
وجدنا سخونه في قطعة ما نقوم بتغيرها
وباذن الله الجهاز هيشتغل
طيب مفيش سخونه
هنبتدي نرفع القطع الاسهل فلاصعب
نتبدي نرفع
1-المكثفات نجرب الجهاز
2-دريفر الصوت ونجرب الجهاز
pf-
3 الشبكه ونجرب الجهاز
4- البروسيسور ونجرب الجهاز
تجربة الجهاز بتكون علي الباور سبلاي وهدفنا هنا هو انزال السحب العالي
بمعني
عند رفع احد المكثفات وتجربة وجدنا هبوط سحب الامبير كده احنا توصلنا 
للحل
محلووووووووووظه احيانا يدمج ايسي الباور مع ايسي البروسيسور

** الجهاز فيه شورت او قفله
نفس خطوات العمل السابقه

لان مرحلة السحب العالي تأتي بعدها مرحلة الشورت
يعتبرو عطل واحد لكن علي مرحلتين
***الجهاز لا يشعر اطلاقا بالباور سبلاي ( ولا البطاريه بالاستنتاج)
والعطل ده منتشر في الاجهزه الماتركس وما شابه هذا الجهاز
كثيرا ما ياتي عميل بجهاز ماتركس
ويقولك الجهاز فاصل باور
وعند وضعه علي الباور سبلاي والضغط علي الباور لا يستجيب نهائي
وتيجي تعكس كبلات الباور يعني تركب السالب مع الموجب والعكس
تجد ليس هناك ممانعه او بذر
وده معناه ان الجهاز لا يشعر بالبطاريه والفولت الخارج منها
الوسيط بين البطاريه والبورده مش حاسس بيه الجهاز
خطوات العمل
1- بعد فتح الجهاز هتجيب الافو وتضع احد اطرافه علي الارضي والاخر
علي طرف ريشة البطاريه الارضي
اذا اعطاني بذر كده شغال تمام
اما لم يعطني بذر يكون هناك قطع في الارضي
فيتم عمل كوبري من الطرف الارضي لاقرب ارضي للجهاز
من مكثف او من اي قطعه نحاسيه في البورده
2- بالافو واحد اطرافه علي طرف الموجب لريشة البطاريه والطرف الاخر علي موجب المكثف اذا اعطاني بذر شغال
ام اذا لم يعطي شئ يكون المسار مقطوع
نعمله بريدج من ريشة البطاريه لاقرب نقطه
v.batt
ملحوظه
هتجد في اغلب الاجهزه الصيني نقط او تركات نشطه
v. batt
GND
PWKY
ثلاث تركات في غاية الاهميه بيسعدوا الفني في انجاز مهام كثيره
خلاصة الكلام
في هذا الحاله
هناك قطع في الارضي
او مسار الفولتي الموجب للبطاريه
وعرفنا ازي نعوض عنه

**** عند الضغط علي مفتاح الباور يتحرك المؤشر قليلا ثم ينزل
هذه المشكله يا اما سوفت او هارد

خطوات العمل
1- انزال فلاشه كامله اصليه مع حفظ الفلاشه الاصليه للجهاز
نفس المشكله نعمل الخطوه الثانيه
2- التسخين بحذر شديد علي البروسيسوروايسي الفلاش مع خلخله بسيطه
وتجربة الجهاز نفس المشكله نعمل الخطوه الجايه
3- نعمل فورمات او تنزيل فلاشه اصليه كامله
نفس المشكله تبقي الخطوه الاخيره
4- تغير البروسيسوروتنزيل سوفت ان لم يفتح
***** عند الضغط علي مفتاح الباور لا يستجيب المؤشر نهائي
تنحصر المشكله في
1- 
مفتاح الباور
2- 
سوفت
3- 
هارد
خطوات العمل

1- غالبا بيكون مفتاح الباور علي فلاته عايزين نتأكد ان المشكله في مفتاح الباور او الفلاته

نوصل البورده بالجهاز
ونجيب الجفت المعوج وهتجد تركين مكتوب عليهم

PWKY

GND

ننلمس هذان النقطتان

لو اشتغل الجهاز وفتح باور تكون المشكله في الفلات نقوم بتغيرها

او التعويض عن مسار الباور بكوبري

طيب 
لو مشتغلش

الاول نقوم بتنزيل سوفت

مفيش نتيجه

نقوم بالتسخين علي ايسي البروسيسور

مفيش نتيجه

تغير ايسي البروسيسور
***** المؤشر يسحب وينزل ومش مستقر او يسحب عالي وينزل
ايضا مشكلة سوفت ثم هارد

نفس الكلام
نبتدي بالسوفت وتنزيل فلاشه اصليه
مفيش نتيجه
التسخين علي اسي البروسيسور او تغيره
ملحوووووووووووووووووظه
سوكت الشحن العريض بيسبب مشاكل كتيره
منها وقف الكيباد
ورسترت الجهاز وظهور الهاندفري واحيانا فصل الجهاز باور
واعطل كثيره
لذالك يفضل رفعه وتجربة الجهاز بدونه

لازم نخلي بالنا يا جماعه من حاجه
وهي اخطاء تنزيل فلاشه خاطئه للجهاز
عند تنزيل فلاشه خطأ تحدث المشاكل الاتيه:-
1-موت الجهاز
2-شاشه بيضاء
3- الكيباد لا تعمل
4-الجههاز بيهينج بعد التشغيل
5- بيعمل ريستارت
6- لا يوجد شبكه نهائي
لذالك ننصح اخواني عمل نسخه وحفظها من فلاشة الجهاز الاصليه حتي نتمكن من ارجاع الجهاز علي حالته التي استلامناها من العميل
الباشمهندس حسن
4- بعض الاعطال المتدواله
1-الجهاز فاصل باور
وعند ربطه علي الباور سبلاي ونرفع الفولت من 3.7
الي 4.0 فولت
ويفتح الجهاز 
هنا المشكله في الاجراس 
فيها تلف فتسبب سحب او استهلاك عالي للبطاريه 
يفصل الجهاز
الحل تغير الاجراس
طيب الجهاز بيفتح ويفصل بعد تعلية الفولت
تبقي مشكله سوفت
هتنزل فلاشه اصليه ويشتغل الجهاز تمام
2- الجهاز يفتح باور ولكن عند الضغط علي اي مفتاح
الشاشه تفصل لمدة ثواني

المشكله ديه منتشره في جهاز 6120
وحلها السوفت 
3-فصل الجهاز باور عند فتح المكالمه
المشكله في السماعه 
بعد التغير بيشتغل الجهاز تمام باذن الله
4الجهاز بيرستر 
وده سببه 
سوكت الشحن العريض
الاول بتنظفه بعد كده
بتغيره لو مجاش بالتظيف
او 
سوفت
5عطل غريب لغاية الان لم اتوصل للحل
في جهاز 5310

الجهاز يفتح ويقف علي الافتتاحيه
ومازل البحث جاري في هذا العطل
وكده قد انتهيت من شرح دائرة الباور واعطالها
يارب قد اكون وفقت في شرح هذه الجزئيه
ونكمل علي بركة
الله 
و
مع الجزء الرابع
((
 دائرة الشحن ))
هنتكلم باذن الله
عن 


1- مكونات هذه الدائره
2- جميع اعطال الشحن مع الحلول
ونتوكل علي الله
ونبدا

1- مكونات دائرة الشحن
تتكون هذه الدائره من:-
1-سوكت شحن ( 
غالبا في الاجهزه الصيني بيكون فيها نوعين من السوكت نوع مشط ونوع ابره)
2-فيوز واحيانا في بعض الاجهزه لا يوجد الفيوز
3- مكثف الشحن 
4-ملف الشحن
5- منظم الشحن وهو ترانزوستور بثماني رجول واحيانا في الاجهزه الاحديثه بستة رجول مع وجود مكان خالي لتركيب ترانزوستور القديم بثماني رجول
6-مقاومة r22
7- ايسي الباور
و
الان مع الاعطال

2- جميع اعطال الشحن مع الحلول
1- الجهاز لا يشعر اطلاقا بالشاحن
2- الشحن الوهمي
3- جاري الشحن بدون وضع الشاحن
4- تم توصيل الشاحن ثم تم عدم توصيل الشاحن ( مع تكرار)
5- البطاريه فارغه جاري الاغلاق
7- استهلاك عالي للبطاريه
8-سخونه في الجهاز عند وضع الشاحن
خطوات العمل في الصيانه
1-- الجهاز لا يشعر اطلاقا بالشاحن
اولا احب انوه الي ان قبل فتح الجهاز والتعامل معه بسبب مشاكل الشحن
ان اغلبية المشاكل بسبب سوفت ده اولا
ثانيا بسبب البطاريات والشواحن
انصح اخواني دائما عدم التسرع والحكم علي الجهاز انه هارد
الاول تجربة اكثر من شاحن واكثر من بطاريه
الجهاز لا يشعر بالشاحن وده اربع اسباب
1- وجود قفله علي موجب وارضي الشحن وده هنعرفه قبل فتح الجهاز بوضع شاحن مضئ
اذا انطفئت الاضاءه كده يكون فعلا هناك قفله
طيب هنتعامل معاها ازاي؟
تعالوا نفكر سوا
ليه قفله او شورت ؟
عشان الارضي ملمس موجب شحن صح؟
صح وبعدين
طيب ايه المكونات التي تحتوي علي طرفين الارضي والموجب؟
هقولك
نبتدي من اول سوكت الشحن العريض وده حكيته حكايات 
لانه بصراحه اخطر قطعه في الجهاز
هتقولي ليه؟
هقولك ومش هتكلم كتير
عشان المحترم ده عباره عن 
1-سوكت شحن
2-سوكت هاندفري
3-والاخطرسوكت usb
المستخدم في عملية السوفت
اي تلف اي ملوحه اي خضار بسبب مشاكل كثيره جدا
لانه بيعمل تلامس بينه وبين تركات الشحن والهاندفري والسوفت
اذن
عرفنا ممكن تكون القفله في هذا السوكت
والحل تنظيفه جيداوتجربة الجهاز
2- سوكت الشحن النوكيا( الابره)
وبالافو ونقيسه علي وضع البذر لو اداني بذر اذن هو السبب نغيره
3- مجسات الشحن علي البورده
وطبعا ديه كده كده هتلاقي فيه شورت
لو هناك فيوز هنرفعه 
طيب الفيوز نرفعه ليه عشان يفصل المنطقه من مجسات الشحن عن منطقة ما بعد الفيوز
وبتكون فيها منظم الشحن
والمكثف 
ومقاومة r22
'طيب رفعت الفيوز
هنشوف القفله راحت كده يبقي توصلنا لنص المشكله مش للمشكله كلها
وعرفنا ان المشكله في احدي ثلاث قطع
وهنتكلم عليهم دلوقتي
4- مكثف الشحن
لانه ذات طرفان
احدهما موجب الشحن
والاخر الارضي
نقوم برفعه والتجربه
5- ترانزوستور او منظم الشحن
ايضا يتضمن ارضي وموجب الشحن
طيب نعمل معاه ايه؟
الاول نقوم بالتسخين عليه مع هزه هزه خفيفه
ربما يكون تحته خضار او ملوحه هي اللي عمله القفله
طيب نفس المشكله
نرفعه نهائي ونجرب
القفله راحت تمام نستبدله باخر
المشكله زي ما هي
تبقي 
المشكله في ايسي الباور
طيب هو القفله ديه مش تعمل قفله في الجهاز كله؟
هقوله لاء لان القفله هنا مع طرفي الشحن
يتبع
باذن الله
ناسف الوقت ضيق بسبب العمل
لا 
تنسوني 
بالدعاء اخواني


مع
تحياتى للجميع بلافادة 
الله الموفق

نكمل الموضوع باذن الله
اعتذر اخواني عن التاخير
لان النت ضعيف
وضغط العمل

2
-الشحن الوهمي
سبب هذا العطل
1- البطاريه
2- الشاحن
3- سوكت الشحن العريض و الرفيع
4-منظم الشحن
5- مقاومة r22
6- اخيرا ايسي الباور
طبعا عدما نستلم الجهاز يجب تجربة شاحن موثوق فيه وبطاريه ذات جوده
جابت نتيجه تمام 
نفس المشكله
هنفتح الجهاز ونفحص سوكت الشحن العريض والرفيع 
لو هناك خضار او ملحوه ننظفهم جيدا وننظف البورده باكملها جيدا
جاب نتيجه تمام
نفس المشكله
نغير منظم الشحن 
نفس المشكله 
هنغير مقاومة r22
واخيرا تبقي المشكله في ايسي الباور
ونيجي عنده كده ونسلم الجهاز للعميل
لان هتكون هناك مخاطره
بحياة الجهاز
3جاري الشحن بدون وضع الشاحن
نفس حلول المشكله السابقه
4- تم توصيل الشاحن ثم تم عدم توصيل الشاحن ( مع تكرار)
هنا بتبقي مشكلة سوكت الشحن من كثرة الاستعمال السوكت بيوسع
حله تغير السوكت مع رفع مجسات سوكت الشحن بقصدير
5البطاريه فارغه جاري الاغلاق
تعتبر هذه المشكله مشكلة باور ومشكلة شحن في نفس الوقت
لان العميل بيشحن الجهاز تمام والبطاريه تمتلئ
وعند فتح الجهاز تظهر هذه الرساله ويغلق الهاتف
حل هذه المشكله بتختلف من جهاز لاخر
جهاز زي الماتركس وما شابه
بنعمل قفله علي البطاريتين الداخليه والخارجيه
ويشتغل الجهاز تمام
جهاز اخر
بنغير مقاومة مكتوب عليه 104او 1003
وديه عملها تنظيم الفولت الخارج من البطاريه للجهاز
اي خلل فيها بتسحب فولت عالي فتسبب هذه الرساله
وحلها في التغير وليس الرفع فقط
وهناك بعض الاجهزه بيكون الحل فيها 
التسخين علي البروسيسور

7
استهلاك عالي للبطاريه
وده سببه في
1- البطاريه
2- قطعه من القطع التي تتغذي مباشرة من فولت البطاريه تالفه او مرطبه تستهلك فولت زائد
وقد تم شرح هذه النقطه في اعطال الباور

8-سخونه في الجهاز عند وضع الشاحن
غالبا العطل ده سببه في منظم الشحن 
وحله في تغيره
هناك عطل لم ادركه 
وهو عطل خبيث جدا
وهو احذر الوصله غير جيده
وهو سببه تغير الفولت بالزياده او النقصان
90% مشكلة شاحن وبطاريه 
يجب تجربة اكثر من شاحن وبطاريه
5% منظم الشحن
5% سوفت
حورية المنتدي
احترف صيانة الاجهزه الصيني (الموبايل) Images?q=tbn:ANd9GcS039FKY084-FODm0ICE8Luj_1CfaFfM-WQTY0045RSQJ6nxvATCw
power_settings_newقم بتسجيل الدخول للرد
remove_circleمواضيع مماثلة
privacy_tip صلاحيات هذا المنتدى:
لاتستطيع الرد على المواضيع في هذا المنتدى